2019an 50 urte beteko dira Fontes Linguae Vasconum aldizkari zientifikoaren lehenengo zenbakia argitaratu zenetik (1969-2019). Hain zuzen ere, euskararen inguruko ikerketek hirurogeiko hamarkadaren amaieraz geroztik izan duten itzelezko bilakabidearen lekuko izan da aldizkaria, bere orrialdeetan etengabe argitaratu baitira euskarari buruzko ikerketaren esparruko lan esanguratsuetako asko, izan ikerketarako material eta corpusak, izan euskarari buruzko ikerlanak. Aldizkaria, beraz, erreferentziazko tresna izan da, hamarkadaz hamarkada, euskararen ikerketen inguruko azken ordukoak ezagutzeko: hartara, euskararen gaineko ikerketaren bilakabidea eta aldizkariarena banaezina da.
50. urteurrena ospatzeko, 2019ko martxoaren 6an eta 7an nazioarteko biltzar hau ospatuko da Iruñean, bi helburu nagusirekin: alde batetik, euskararen inguruko hainbat ikerketa-alorretan erdietsi diren azken emaitzen berri izatea eta, bestetik, euskararen ikerketari aplikagarriak zaizkion metodo eta lanabes berriak ezagutzea.
Osoko hitzaldiez gain, bederatzi mintegi tematiko ere antolatu dira kongresuaren barnean. Horiek aditu baten hitzaldia izanen dute, eta komunikazio proposamenak aurkezteko aukera izanen da.
Gisa berean, ekarpen garrantzitsuenak aurretik errebisatutako monografiko batean argitaratuko dira.
Antolatzailea: Euskarabidea – Euskararen Nafar Institutua
Biltzarra Iruñean egin zen, joan den martxoaren 6an eta 7an. El congreso se celebró en Pamplona, el pasado 6 y 7 de marzo. Bideoetan irekiera- eta itxiera-ekitaldiak jaso dira, baita hitzaldi orokorrak ere.
Ikusteko, klik egin hemen.
12:00etatik aurrera Fontes Linguae Vasconum. Paperezko altxorrak erakusketa zabalik egonen da ikusle ororendako martxoaren 31 arte.
SARRERA DOHAINIK
Informazio gehiago hemen
FLV, 50 urte: Metodo eta joera berriak (euskal) hizkuntzalaritzan nazioarteko biltzarrean izen-emateko epea zabalik dago.
Hizlariek izen-emateko epea otsailaren 8a da eta entzule gisa bertaratu nahi dutenek otsailaren 22a bitarte eman dezakete izena.
Izen-emateko formularioa bete, hemen klik eginez.